قالها قبل حكم القصاص (الشمراني) في سجن جوانتنامو
قصيده سجين مظلوم
صمت الزنازن وازدحام المساجين = صوت السلاسل طير النوم عني
اسهر اليا نامت عيون الملايين = لين النجوم الساريه يذبحني
في غرفة ومزرفلة بالكوالين = في وسط سرداب الشقاء والتعني
مساحة الغرفه يابوي مترين = فيها الذنوب المرمسات حذفني
اسهر طوال الليل والدمـع بالعين = واقول يااربي ذنوبي بلني
يااربي غفرانك وعفوك عن الشين = اللي سبق في ضيعة العقل مني
انا اشهد ان السجن عز المساجين = اللي بطاعة ربهم في تمني
كم واحد ماعاش عيشة سلاطين = ولاتهنى في حياته أبدني
واليا بغيت انظم من الشعر بيتين = قام الخفير المستلم وامتحني
يقول صوتك ازعج اهل الزنازين = مايدري ان هموم بقعه لفني
هم البشر ينفد وهمي ملايين = والنار في صدري تزيد التجني
أولى همومي مفارقي قرة العين = ام على شوفي تون وتحني
اقول يا يمه اصبري لاتهلين = عبـايرن مثل الذهب لامشني
و انااحمد الله ماهوت نفسي للشين = واقدام رجلي للردى ماوطني
نفسي عزيزة مارضت عيشة الميل = ولاخضعت لغير رب كفلني
جريـمتي حرصي على نصرة الدين = وحورن حسان بالمحاسن سبني
يامرحباً بالموت في نصرة الدين = واهلا وسهلا ياحياة التمني
//